3 دانیشیغا باشلامادان باجاریقلار

دانیشیغا باشلامادان باجاریقلار:

دانیشماغدان قاباغ باجاریقلار یا دانیشماغا باشلاماغ اوچون باجاریق لار نئه دیرلر؟

اوشاغلار آنادان اولانان سونرا اورگشدیک لری دانیشیقدان قاباغ باجاریقلاری (اورنک اوچون باخماق و بارماقلا گوسترمک نن) اونسیت و ایرتیباط اوچون ایشلده لر.

دانیشیقدان قاباغکی باجاریق لار سوز سؤز و دانیشمادن آیری اینسانلارلا ایرتیباط و اونسیت یارادماغا دییلیر.

اورنک اوچون بیز دانیشمادان و یانلیز ال ایشاره لری ایله آجلیغیمیزی و  ساچلاری داراماغی  و ….. دییه بیلریک.

ژستچر،گؤز باغلانتیسی و دانیشدیغمیز آدامین اؤزؤنه باخماق اؤزؤمؤزله دانیشماغ (اورنک اؤچون گؤز حرکتلرینن بیر سوز دماغ) بیر ایشارت دی بونان کی اوشاغیمیز دانیشاجاغ، اؤنسیت و ایرتیباط قورا جاق.

نییه دانیشماغدان قاباغ باجاریقلار مؤهؤم بیر باجاریقدیر لار؟

بو باجاریقلار دانیشماغین و دیل آچماغین بینوره و پایالاریدیر لار.

او اوشاغ کی آناسینین اؤزؤنه باخمیر و اونون اؤزؤنون و آغیزینین حرکتلرینه دیقت ائدمیر الیه بولمز دانیشا و دانیشیقین دؤز حرکتلرینی اورگنه. بو باجاریقسیزلیق دیلین آنلاما بارجاریقینین و دیلین ایشلدمه باجاریقینین اؤستونه منفی تاثیر گوسترر.

بیر اوشاق اوز چئورسینه (دوره سینده کی موحیطه) دیقت ائدمه سه و اشیالاری گوسترنده اونلارا باخماسا اونلاردان و اوز چئوره سینده کی اشیلاردان آز اورگشه جاق.

ایشاره ائدغیمیز اوشاغلار پایلاشینان دیقتده پروبلملری وار.

 پایلاشیلان دیققت :

شخص بیر آیری شخصین طرفینن گوستریلن بیر اشیایا او واخت باخا و اونلارین باخیشلاری و دیقتلری بیر شییین اوستونده بیرله شه.

پایلاشیلان دیققت سببیله اوشاغین و موعلیمین و یا آتا آنانین دیققتی بیر شییه گئدر و موعلیم و یا آتا آنا اونون باره سینده بیر سوزلر و جومله لر دییر.

بو ایشله اوشاغ دیل اورگنر و اونلاری معناسینی بولر و ایشله در.

دیل آچماغدان قاباغ باجاریقلارین پروبلملری سونرا لار اوزلرینی دیل، اونسیت و ایرتیباط پروبلملرینده گوسترر.

بو شخصیلر و اوشاغلارین پروبلملرینین تئز تاپیلماسی و تئز موداخیله ائدیلمه و اونلارین دیل، دانیشیق ،

اونسیت و ایرتیباط باجاریقلارینین اوستونده ایشله مه سببیله دیل دانیشیق، اونسیت و ایرتیباط پروبلملرینین

قاباغین آلماغلا بو پروبلملرین حلی اوچون چوخ بویوک آلدیملار آتاریق.

برچسب ها